ليه المدونة دي ....؟
اعتبرها افتتاحية ... متزعلش نفسك ... حصل خير
أهم حاجة صحتكوا
زي ما بيقولوا " الراجل مش بكلمته ... الراجل برعاية لمدونته أو موقعه "
انا من فترة بسيطة جدا يمكن حوالي 9 سنين و انا باستخدم حاجة اسنها الانترنت من ايام الكروت و الذي منه و بعدها قصة التطوير اللي بتحصل في أي حاجة جديدة المهم .... فكانت الدنيا زي الفل ووحدة واحدة الدنيا بدأت تبان معالمها عندي و فهمت يعني ايه موقع تعمله ، و موقع مجاني تبع الحاج "ياهوو" ... الحياة ماشية زي الفل فعرفت ان الموضوع ليلة و كمان ليلة جامدة ................. فدخلت الليلة و عملت موقع مجاني بس لاقيته بيروح بسرعة اعمل مجاني واحد ورا واحد ...... هتقولي " خلاص الدنيا مقطعة نفسها معاك ؟ " راح اقولك .... بجد مش عارف ؟بس يمكن كان عشان ساعتها كنا لسة عيال .... في اعدادي و كدة و دخلنا على الثانوي و لوازم التنطيط على العيال اللي معاك بقى وكدة
ركزززز .... دة مش أنااللي بيسألك تقوله انا عندي موقع ।و مش هتصدقوا بجد و الله لو قلت كنت عامل فيه ايه ؟كنت حاطط فيه اسمي و البريد بتاعي و روابط مواقع و بس فزهقت بجد............... فقلت لا يا واد انسى الدنيا و مززز ..........
المشروب دة متشتريهوش تبع المقاطعة يا حبة عيني
فلقيت من فترة قريبة جدا حوالي سنة تقريبا فسمعت عن حاجة اسمها مدونة فمهتمتش و من حوالي بس بس شهرين او تلاتة عرفت المدونة و كذا و غيره من الحاجات الكويسةو طبعا كان السمع خير .... لأن المدونة ما فيهاش تعقيدات زي الموقع – بالمناسبة انا بجهز موقع ليا على النت دلوقتي – فكانت حاجة لذيذة بغض النظر عن ان مفيش حد يسمع عن التدوين عموما غير بسييييط جدا من المستخدمين العاديين فكنت بادخل على المنتديات و اخبط شوية تعليقات و ردود و كانت بتعجب بشر كتير .... فقلت دا الفيلم دا تحفة مش كل مرة ادخل و اتفرج فقلت لازم اعمل انا الفيلم بنفسي – مش ضروري اعمل عقد مع الانتاج الاعلامي – و انشأ مدونة خاصة بيا و بدأت المدونة و يا مسهل
أنا ناوي اعمل اية ؟ بعد كل دة على المدونة دي
ناوي أحط عليها كل اخباري
أخبار فرقة النورس بتاعتي احنا في اسكندرية من أول الصيف اللي جااااااااي 2008
أحط أاغاني ، صور ، حفلات ، لقاءات و غيرها
هنتكلم في مواضيع كتير فنية مهمة عن الفنانين و الحياة الفنية عموماو كدة
اقدر احط فكرتي براحتي من غير اي قيود و ضغوط و احلم براحتي بأي حاجة نفسي اقولها من خواطر في نفسي و غيرها
شوية أعمال فنية بأنواعها هنتكلم فيها
أحط أاغاني ، صور ، حفلات ، لقاءات و غيرها
هنتكلم في مواضيع كتير فنية مهمة عن الفنانين و الحياة الفنية عموماو كدة
اقدر احط فكرتي براحتي من غير اي قيود و ضغوط و احلم براحتي بأي حاجة نفسي اقولها من خواطر في نفسي و غيرها
شوية أعمال فنية بأنواعها هنتكلم فيها
احط اذاعة خاصة على المدونة بتاعتي اذيع عليها اللي انا عايزة كنموذج للاذاعة الكبيرة بتاعتي انشاء الله
هاعمل حوارات بالصدفة و غيرها مع الفنانين و نجوم المجمتع و كدة – دا حلمي انا للاذاعة
و ربنا يسهلها علينا كلنا ... ناوي اكتب في المواضيع دي
حد هنا كان عايز يعرفني ... اللي عايز يعرفني؟
حكايتي مع الفن و بهدلتو فيا
بغض النظر عن مستوى االشريط الاسلامي & هنتكلم عن المنشدين نفسهم الدنيا واخداهم على فين في شرايطهم ؟
شخصيات بعشها و بحبها جدا اثرت فيا .... و مفيش منها اتنين
مشواري مع تدريبات كورال خدمة اجتماعية اسكندرية
مشواري مع فرقة النورس دا ينفع يتكب سيناريو فيلم هندي / مسلسل الساعة تسعة
علاقتي بالدراسة و خاصة الخدمة الاجتماعية
اخبار الفنانين اللي بحبهم و تقييم الشارع ليهم
و يا مسهل يااااااا رب
